அதிபர் டிரம்ப் பேசுகையில், சந்திப்பு மிகவும் பயனுள்ளதாக இருந்தது என்று கூறினார். பல விஷயங்களில் உடன்பாடு எட்டப்பட்டதாக அவர் தெரிவித்தார். சில பெரிய விஷயங்களில் இன்னும் உடன்பாடு எட்டப்படவில்லை. ஆனால் முன்னேற்றம் ஏற்பட்டுள்ளது என்று டிரம்ப் கூறினார். ஒப்பந்தம் ஏற்பட்டால் தான் ஒப்பந்தம் என்பது தனது கொள்கை என்று அவர் தெரிவித்தார். NATO தலைவர்களையும், மற்ற முக்கிய தலைவர்களையும் சந்தித்து இந்த சந்திப்பு பற்றி விளக்க உள்ளதாக டிரம்ப் கூறினார். உக்ரைன் அதிபர் ஜெலென்ஸ்கியையும் சந்தித்து பேச உள்ளதாக அவர் தெரிவித்தார்.

அலாஸ்காவில் நடந்த இந்த சந்திப்பில் எந்த முடிவும் எட்டப்படவில்லை. சந்திப்பின் முடிவில் "அடுத்த முறை மாஸ்கோவில் சந்திக்கலாம்" என்று புதின் கூறினார். அமெரிக்காவை அடுத்து ரஷ்யாவில் அடுத்த சந்திப்பு நடக்கலாம் என்பதை அவர் சூசகமாக தெரிவித்தார். உக்ரைன் போர் காரணமாக ரஷ்யா தனிமைப்படுத்தப்பட்ட நிலையில், இந்த சந்திப்பு புடினுக்கு ஒரு வெற்றியாக பார்க்கப்படுகிறது. பேச்சுவார்த்தை மூலம் உக்ரைன் ரஷ்யா போர் முடிவுக்கு வர வேண்டும் என்பதுதான் அமைதியை விரும்பும் உலக மக்களின் எதிர்பார்ப்பாக உள்ளது.