எண்ணூர் அனல் மின் நிலையத்தில் கோர விபத்து : 9 வடமாநிலத் தொழிலாளர்கள் பலி!
சென்னை எண்ணூர் அனல் மின் நிலைய கட்டுமானப் பணியின்போது ஏற்பட்ட விபத்தில் 9 வட மாநில தொழிலாளர்கள் உயிரிழந்த சம்பவம் சோகத்தை ஏற்படுத்தியுள்ளது.
சென்னை எண்ணூரில் அனல் மின் நிலைய விரிவாக்கப் பணிகள் நடைபெற்று வருகின்றன. இதற்கான கட்டுமானப் பணிகள் சில ஆண்டுகளாக நடைபெற்று வருகிறது. நூற்றுக்கணக்கான வட மாநில தொழிலாளர்கள் எண்ணூரில் தங்கி பணிகளில் ஈடுபட்டு வருகிறார்கள். இன்று நடைபெற்ற பணியின் போது முகப்பில் அமைக்கப்பட்ட சாரம் திடீரென சரிந்து விழுந்தது. இதில் சம்பவ இடத்திலேயே உடல் நசுங்கி 9 வட மாநிலத் தொழிலாளர்கள் உயிரிழந்த சம்பவம் சோகத்தை ஏற்படுத்தியுள்ளது. ராட்சத வளைவு அமைக்கும் பணியில் ஈடுபட்டிருந்த தொழிலாளர்கள் உயிரிழந்துள்ளனர்.
சாரம் விழுந்ததில் மேலும் பலருக்கு காயம் உண்டான நிலையில், அவர்கள் சென்னை ராயபுரம் ஸ்டான்லி மருத்துவமனையில் அனுமதிக்கப்பட்டு உள்ளனர். அவர்களில் பலரின் நிலை கவலைக்கிடமாக உள்ளதால் அச்சம் ஏற்பட்டுள்ளது. விபத்தில் இறந்தவர்களுக்கு ரூ.10 லட்சம் நிவாரணம் அறிவித்துள்ளார் முதல்வர் மு.க.ஸ்டாலின்.
