சென்னை:2026 சட்டமன்றத் தேர்தலை முன்னிட்டு, தமிழக வெற்றி கழகம் தனது தேர்தல் அறிக்கையை இன்று வெளியிட்டது. சென்னை நுங்கம்பாக்கத்தில் நடைபெற்ற நிகழ்ச்சியில், கட்சித் தலைவர் விஜய் அறிக்கையை வெளியிட்டு, அதன் முதல் பிரதியை ஒரு விவசாயிக்கு வழங்கினார்.

நிகழ்வில், விவசாயியை மரியாதையுடன் கௌரவித்த விஜய், தமிழ்மொழி மற்றும் திருக்குறள் அடிப்படையில் அறிக்கை தயாரிக்கப்பட்டதாக தெரிவித்தார். “அறம், பொருள், இன்பம்” என்ற கோட்பாடுகளை மையமாகக் கொண்டு திட்டங்கள் உருவாக்கப்பட்டுள்ளதாக அவர் கூறினார்.

பெண்கள் மற்றும் குடும்ப நல திட்டங்கள்

• குடும்பத் தலைவிகளுக்கு மாதம் ₹2,500

• ஆண்டுக்கு 6 இலவச எரிவாயு சிலிண்டர்கள்

• ஏழை மணப்பெண்களுக்கு 8 கிராம் தங்கம் + பட்டு சேலை

• பள்ளி மாணவர்களின் பெற்றோருக்கு ஆண்டு ₹15,000 (இடைநிறுத்தம் தடுக்கும் நோக்கம்)

கல்வி மற்றும் சுகாதாரம்

• மாவட்டம்தோறும் அரசு உறைவிடப் பள்ளிகள்

• ஏ.ஐ. அடிப்படையிலான இலவச போட்டித் தேர்வு பயிற்சி

• போதைப் பொருள் இல்லாத தமிழகம் இலக்கு

• குடும்பத்திற்கு ₹25 லட்சம் வரை மருத்துவக் காப்பீடு

இளைஞர் நலன்

• வேலை இல்லாத பட்டதாரிகளுக்கு ₹4,000 மாதம்

• 12ம் வகுப்பு/ஐடிஐ முடித்தவர்களுக்கு ₹2,500

• தொழில் தொடங்க ₹25 லட்சம் வரை பிணையில்லா கடன்

விவசாயிகள் நலன்

• 5 ஏக்கருக்குக் குறைவானவர்களுக்கு முழுக் கடன் தள்ளுபடி

• அதிக நிலம் கொண்டவர்களுக்கு 50% தள்ளுபடி

• நெல் ₹3,500 / குவிண்டால், கரும்பு ₹4,500 / டன்

• குத்தகை விவசாயிகள், தொழிலாளர்களுக்கு ஆண்டு ₹10,000

• 100% பயிர் காப்பீடு

தொழில் மற்றும் பொதுத் திட்டங்கள்

• MSME துறைக்கு ₹15,000 கோடி நிதி

• மின்சார வரி 5 ஆண்டுகள் விலக்கு

• 200 யூனிட் இலவச மின்சாரம்

• குடிநீர் குழாய் இணைப்பு அனைத்து வீடுகளுக்கும்

• அரசு நிலங்களில் வசிப்போருக்கு பட்டா வழங்கல

இந்த தேர்தல் அறிக்கை, சமூக நலன் + கல்வி + வேலைவாய்ப்பு + விவசாயம் ஆகிய துறைகளை ஒருங்கிணைக்கும் வகையில் வடிவமைக்கப்பட்டுள்ளது. விஜய் தலைமையிலான தமிழக வெற்றி கழகம், நேர்மை மற்றும் நலத் திட்டங்களை மையமாகக் கொண்டு வாக்காளர்களை ஈர்க்க முயற்சிக்கிறது.