போதைப்பொருளைக் கட்டுப்படுத்த முடியாத நிலை ஏற்பட்டிருந்தால், சட்டம், ஒழுங்கை காக்க இயலாவிட்டால், அரசு தொடர்ந்து ஆட்சியில் இருக்க வேண்டிய அவசியம் என்ன என்ற கேள்வியையும் அவர் முன்வைத்துள்ளார். நிர்வாகம் குறித்து தெளிவான புரிதல் இல்லாத தலைமையின் கீழ் தமிழ்நாடு பாதிக்கப்பட்டு வருவதாகவும், மக்கள் இதனால் துன்புறுகின்றனர் என்றும் அவர் தெரிவித்துள்ளார். 2026 ஆம் ஆண்டு தமிழக அரசியலில் மாற்றம் ஏற்பட்டு, தற்போதைய ஆட்சியிலிருந்து மக்கள் விடுதலை பெறும் ஆண்டாக அமைய வேண்டும் என்ற எதிர்பார்ப்பையும் தனது பதிவில் எடப்பாடி பழனிசாமி வெளிப்படுத்தியுள்ளார்.