டெல்லியில் 8 மருத்துவ மனைகளுக்கு வெடிகுண்டு மிரட்டல்; போலீசார் தீவிர விசாரணை
டெல்லியில் உள்ள புராரி மருத்துவமனை மற்றும் சஞ்சய் காந்தி மருத்துவமனை உட்பட குறைந்தது எட்டு மருத்துவமனைகளுக்கு ஞாயிற்றுக்கிழமை பிற்பகல் மின்னஞ்சல் மூலம் வெடிகுண்டு மிரட்டல் வந்தது.
'வடக்கு டெல்லியின் புராரியில் உள்ள மருத்துவமனைக்கு வெடிகுண்டு மிரட்டல் கடிதம் வந்தது. வெடிகுண்டு செயலிழப்பு குழுவினர் சம்பவ இடத்தில் உள்ளனர். சந்தேகத்திற்கிடமான வகையில் எதுவும் கிடைக்கவில்லை' என்று டி.சி.பி (வடக்கு) மனோஜ் மீனா கூறினார்.
புராரி மருத்துவமனை நிர்வாக இயக்குனர் டாக்டர் ஆஷிஷ் கோயலுக்கு மாலை 3 மணியளவில் மிரட்டல் வந்தது. 'எனது தொலைபேசியில் மருத்துவமனை மின்னஞ்சலை அணுகலாம். மருத்துவமனையில் வெடிகுண்டு வைக்கப்பட்டுள்ளதாக மின்னஞ்சலில் தெரிவிக்கப்பட்டுள்ளது. நான் அதைப் பார்த்தவுடன் போலீசாருக்குத் தகவல் கொடுத்தேன், அது புரளி என்று தோன்றியது. இதுகுறித்து போலீசார் விசாரணை நடத்தி வருகின்றனர்,'' என்று ஆஷிஷ் கோயல் கூறினார்.
இந்த மாத தொடக்கத்தில், 150க்கும் மேற்பட்ட பள்ளிகளுக்கு வெடிகுண்டு மிரட்டல் கடிதங்கள் வந்தன. தில்லி காவல்துறை அதிகாரிகள் மற்றும் வெடிகுண்டு செயலிழக்கும் படை (பி.டி.எஸ்) குழுக்கள் சம்பவ இடங்களுக்கு விரைந்தாலும், இந்த சம்பவத்தால் பள்ளிகள் மாணவர்களை வீட்டிற்கு அனுப்பினர் மற்றும் பெற்றோர்களிடையே பீதியைத் தூண்டியது. முழுமையான சோதனைக்குப் பிறகு, அது புரளி என அறிவிக்கப்பட்டது.
