இந்த புதிய பாதை செஞ்சி வழியாக சுமார் 68 கிலோமீட்டர் தூரம் செல்லும் என திட்டமிடப்பட்டுள்ளது. இதன் முக்கிய நோக்கம் — திருவண்ணாமலையிலிருந்து சென்னைக்கு செல்லும் பயண நேரத்தைக் குறைத்து, பிரதான ரயில் பாதையில் ஏற்படும் நெரிசலைக் குறைப்பது.

திட்டம் ஏன் தாமதம்?

இந்த திட்டம் பல ஆண்டுகளுக்கு முன்பு அனுமதி பெற்றிருந்தாலும், அது இன்னும் துவங்காத முக்கிய காரணம் நில ஒப்படைப்பு தாமதம் தான்.பாஜக மாநில செயலாளர் ஏ. அஸ்வத்தமன், “ரயில்வே துறைக்கு தேவையான நிலத்தை ஒப்படைக்க திமுக அரசு நடவடிக்கை எடுக்கவில்லை, அதனால் தான் திட்டம் நிறுத்தப்பட்டுள்ளது” என்று குற்றம் சாட்டினார்.

மறுபுறம், முதல்வர் மு.க. ஸ்டாலின் இதுகுறித்து பிரதமர் மோடியிடம் நேரில் ஒரு குறிப்பாணை அளித்துள்ளார். அந்தக் கடிதத்தில், “இந்த ரயில்வே திட்டங்கள் நீண்ட நாட்களாக நிறைவேறாமல் உள்ளது. மத்திய அரசு விரைவாக நடவடிக்கை எடுக்க வேண்டும்” என வலியுறுத்தியிருந்தார்.

மக்களின் எதிர்பார்ப்பு

இப்போதைய நிலையில், ஆன்லைனிலும், சமூக வலைத்தளங்களிலும் மக்கள் பெருமளவில் விவாதித்து வருகின்றனர். இது குறித்து பொதுமக்கள் கூறுகையில், புதிய பாதை அமைப்பது நேரம் பிடிக்கும் வேலை. அதற்குள், ஏற்கனவே மின்மயமாக்கப்பட்ட பாதையில் தினசரி ரயில் சேவையாவது தொடங்க வேண்டும்” என்பதாகும்.

விழுப்புரம்–காட்பாடி பிரிவு 2011-ஆம் ஆண்டில் அகல ரயில் பாதையாக மாற்றப்பட்டு முழுமையாக மின்மயமாக்கப்பட்ட நிலையில் உள்ளது. இது வழியாக திருவண்ணாமலை, திண்டிவனம் மற்றும் செங்கல்பட்டு வழியாக சென்னையுடன் இணைக்கப்படுகிறது.

அதனால், இந்த பாதையில் ஒரு தினசரி ரயில் சேவை தொடங்குவது சாத்தியமுள்ளதாகவும், அது மக்களுக்கு உடனடி நன்மை அளிக்கும் வகையில் இருக்கும் என்றும் பொதுமக்கள் நம்பிக்கை தெரிவிக்கின்றனர்.

புறநகர் ரயில் சேவை அறிமுகமானால்:

• தினசரி வேலைக்குச் செல்லும் ஊழியர்களுக்கும் மாணவர்களுக்கும் மிகுந்த நிவாரணம் கிடைக்கும்.
• பேருந்து போக்குவரத்தில் காணப்படும் கூட்ட நெரிசல் குறையும்.
• போக்குவரத்து செலவு குறையும்.
• சாலை விபத்துகள் குறையலாம்.

திண்டிவனம்–திருவண்ணாமலை புதிய ரயில் பாதை திட்டம்

திண்டிவனம்–திருவண்ணாமலை புதிய ரயில் பாதை திட்டம் நடைமுறைக்கு வந்தால், அந்த பகுதிகளில் பொருளாதார வளர்ச்சிக்கும், சுற்றுலா வளர்ச்சிக்கும் பெரும் தூண்டுகோல் கிடைக்கும்.
ஆனால் நில ஒப்படைப்பு மற்றும் நிதி ஒதுக்கீடு போன்ற பிரச்சனைகள் காரணமாக அது இன்றளவும் காத்திருக்கிறது.

இந்நிலையில், ஏற்கனவே மின்மயமாக்கப்பட்ட பாதையில் தினசரி ரயில் சேவை தொடங்குவது மக்களுக்கு உடனடி நிவாரணமாக இருக்கும் என அனைவரும் எதிர்பார்க்கின்றனர்.

இது குறித்து ,பாஜக மாநில செயலாளர் ஏ. அஸ்வத்தமன், ரயில்வேக்கு நிலத்தை ஒப்படைக்கத் தவறியதன் மூலம் திமுக அரசு திட்டத்தை தாமதப்படுத்துவதாகக் குற்றம் சாட்டினார். இதற்கிடையில், முதல்வர் ஸ்டாலின் முன்னதாக பிரதமர் மோடியிடம் ஒரு குறிப்பாணையை வழங்கினார், இந்த ரயில்வே திட்டங்களை நிறைவேற்றுவதில் தாமதம் ஏற்படுவதை அடிக்கோடிட்டுக் காட்டினார், மேலும் இந்த திட்டங்களை செயல்படுத்த மத்திய அரசு புதுப்பிக்கப்பட்ட நடவடிக்கை எடுக்க வேண்டும் என்று கேட்டுக் கொண்டார்.