பொங்கலுக்கு "வாரிசு’ படத்தை வெளியிடுவதில் சிக்கல்!
தமிழ் மற்றும் தெலுங்கு என இரு மொழிகளில் உருவாகும் படம் தமிழில் "வாரிசு" என்ற பெயரிலும், தெலுங்கில் "வாரசுடு" என்ற பெயரிலும் வெளியாகவுள்ளது. நடிகர் விஜய் "வாரிசு" படத்தின் மூலம் நீண்ட இடைவெளிக்கு பிறகு குடும்ப பின்னணி கொண்ட படத்தில் நடித்து வருகிறார். தற்போது இறுதிக்கட்ட பணியில் உள்ள இப்படத்தின் டிரெய்லர் மற்றும் ஆடியோ லாஞ்ச் நிகழ்ச்சியை விரைவில் நடத்த திட்டமிடப்பட்டுள்ளது. முதலில் இருமொழிகளில் வெளியாகும் என அறிவிக்கப்பட்ட இப்படம் பின்னர் தமிழில் வெளியாகும் என்றும், தெலுங்கில் டப் செய்யப்பட்டு வெளியிடப்படும் என்று கூறப்பட்டுள்ளது. வரும் பொங்கலுக்கு "வாரசுடு" திரைப்படம் வெளியாகும் என அறிவிக்கப்பட்ட நிலையில் ஆந்திரா மற்றும் தெலங்கானாவில் திரையரங்குகள் கிடைப்பதில் சிக்கல் ஏற்பட்டுள்ளது. தற்போது தெலுங்கு தயாரிப்பாளர் சங்க துணை தலைவராக "வாரிசு" படத்தின் தயாரிப்பாளர் தில் ராஜூவே இருப்பதால் அவருக்கு நெருக்கடி ஏற்பட்டுள்ளது.
