TNPSC குரூப் 4 தேர்வு 2024 : கலந்தாய்விற்கு அனுமதிக்கப்பட்டவர்களின் 5-வது பட்டியல் வெளியீடு - உங்கள் பெயர் உள்ளதா?
2024ஆம் ஆண்டிற்கான டிஎன்பிஎஸ்சி குரூப் 4 தேர்வு காலிப்பணியிடங்களின் எண்ணிக்கை 3 முறை உயர்த்தப்பட்டு மொத்தம் 9,491 காலிப்பணியிடங்கள் வரை அதிகரிக்கப்பட்டது. இதற்கான தேர்வு ஜூன் 9-ம் தேதி நடைபெற்ற நிலையில், முடிவுகள் அக்டோபர் 28-ம் தேதி வெளியானது. இதனைத்தொடர்ந்து, நேரடி சான்றிதழ் சரிபார்ப்பு மற்றும் கலந்தாய்விற்கு அனுமதிக்கப்பட்டவர்களின் பட்டியல் வெளியிடப்பட்டு, நிரப்பப்படுகிறது. அந்த வகையில், தற்போது 5வது கட்ட பட்டியல் வெளியாகியுள்ளது.
தமிழ்நாட்டில் அரசு துறைகளில் உள்ள பல்வேறு காலிப்பணியிடங்களை நிரப்புவதற்கான டிஎன்பிஎஸ்சி குரூப் 4 தேர்வு 2024 ஜூன் 9-ம் தேதி நடைபெற்றது. தொடர்ச்சியாக 3 முறை காலிப்பணியிடங்கள் உயர்த்தப்பட்டு மொத்தம் 9,491 காலிப்பணியிடங்களுக்கு அக்டோபர் 28-ம் தேதி முடிவுகள் வெளியானது. இதனைத்தொடர்ந்து, தற்காலிகமாக தேர்வு செய்யப்பட்டவர்கள் பட்டியல் வெளியிடப்பட்டு சான்றிதழ் சரிபார்ப்பு மற்றும் கலந்தாய்வு நடைபெற்று வருகிறது. அந்த வகையில், ஜூனியர் அசிஸ்டெண்ட், ஜூனியர் நிர்வாகி, தட்டச்சர், சுருக்கெழுத்து தட்டச்சர் ஆகிய பதவிகளுக்கான 5-வது பட்டியல் வெளியாகியுள்ளது.
டிஎன்பிஎஸ்சி குரூப் 4 தேர்வு 2025 Phase V பட்டியல்
2024-ம் ஆண்டுக்கான டிஎன்பிஎஸ்சி குரூப் 4 பதவிகளுக்கு நடத்தப்பட்ட முதல் மூன்று கட்ட கலந்தாய்வின் முடிவில் நிரப்பப்படாமல் மீதமுள்ள பணியிடங்களை நிரப்புவதற்கான 5வது கட்ட கலந்தாய்வு வரும் மே 5-ம் தேதி சென்னையில் உள்ள டிஎன்பிஎஸ்சி அலுவலகத்தில் நடைபெற உள்ளது. இந்நிலையில், இந்த கலந்தாய்வில் கலந்துகொள்ள தற்காலிகமாக தேர்வு செய்யப்பட்டவர்களின் பட்டியல் https://www.tnpsc.gov.in/ என்ற இணையதளத்தில் வெளியிடப்பட்டுள்ளது.
