மேலும், “மல்லை சத்யாவை பொறுத்த வரை வைகோவுக்காக எதையும் செய்யத் துணிவேன் என்று எப்போதும் சொல்பவர். அதன்படியே நடப்பவர். ஆகவேதான், வைகோ மேற்கொண்டுள்ள சமரச பேச்சுக்கு ஒத்துப் போக வேண்டும், அவருக்கு எந்த சங்கடமும் வந்துவிடக்கூடாது, அவரால் தான் அரசியல் அங்கீகாரம் பெற்றுள்ளோம் என்கிற உணர்வு எப்போதும் மல்லை சத்யாவிடம் உள்ளது. இன்றைக்கு பேசும்போது கூட குடத்தின் விளக்காக இருந்த என்னை குன்றின் மேல் நின்ற விளக்காக மாற்றியவர் வைகோ என்றுதான் கூறுகிறார்.

இது ஒரு தற்காலிக ஏற்பாடு என்றுதான் நான் புரிந்துகொள்கிறேன். மல்லை சத்யா தான் வைகோவுக்கு கட்டுப்பட்டவன் என்று இன்றும் உணர்த்தியிருக்கிறார். ஆனால், துரை வைகோ இந்த பேச்சுவார்த்தைக்கு உடன்பட்டிருக்கிறாரா? என்பதை வரும் காலங்களில் அவரது செயல்பாடுகள் உணர்த்தும்” என்று தெரிவித்துள்ளார்.