இரு தரப்பு வாதங்களையும் கேட்ட நீதிபதி, “பொறுப்பான பதவியில் இருக்கும் பொன்முடி இதுபோன்ற பேச்சை தவிர்த்திருக்க வேண்டும். காவல் துறையினரும் இந்த வழக்கை வந்து முறையாக விசாரணை நடத்தி இருக்க வேண்டும். குறைந்தபட்சம் புகார் அளித்தவர்களிடம் விசாரணை நடத்தி இருக்க வேண்டும்”என்ற ஒரு கருத்தையும் பதிவு செய்தார். இதனைத் தொடர்ந்து, புகார்கள் முடித்து வைக்கப்பட்டதை எதிர்த்து புகார்தாரர்கள் மாஜிஸ்திரேட் நீதிமன்றத்தை அணுகலாம் என்றும் இந்த விவகாரம் தொடர்பாக தனி நபர் புகார்கள் தாக்கல் செய்யலாம் என்றும் அனுமதி அளித்த நீதிபதி, உயர் நீதிமன்றம் தாமாக முன்வந்து விசாரணைக்கு எடுத்த வழக்கை முடித்து வைத்து உத்தரவிட்டுள்ளார்.