📚 தினம் ஓர் ஹதீஸ் 📚 11-10-2023 புதன்கிழமை

சூரத்துத் தீன் – 95 (அத்தி)

(மக்கீ) பிரிவு - 1, சொற்கள் – 34, வசனங்கள் – 8, எழுத்துகள் – 105

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் திருப்பெயரால்......

1. அத்திமரத்தின் மீதும், ஒலிவ் (ஜைத்தூன்) மரத்தின் மீதும் சத்தியமாக –

2. ஸினாய் மலையின் மீதும் சத்தியமாக –

3. அபயமளிக்கும் இந்த (மக்கா) நகரத்தின் மீதும் சத்தியமாக –

4. மனிதனை மிக அழகான வடிவமைப்பில் திட்டமாக நாம் படைத்தோம்.

5. பிறகு அவனை கீலானவர்களிலும் மிகக் கீழானவனாய் நாம் ஆக்கினோம்.

6. ஈமான் கொண்டு, நற்செயல்கள் செய்தவர்களைத் தவிர: எனவே, அ(த்தகைய) வர்களுக்கு முடிவில்லாத நற்கூலி உண்டு.

7. ஆகவே, (மனிதனே!) இதற்குப் பிறகும் தீர்ப்பு நாளைப்பற்றி உன்னிடம் எது பொய்யாக்கி வைக்க முடியும்?

8. தீர்ப்பாளர்களிலெல்லாம், அல்லாஹ் மிக மேலான தீர்ப்பாளனாக இல்லையா?

comment / reply_from