செங்குன்றத்தில் இருந்து தாம்பரம் நோக்கி சென்ற பேருந்து திடீரென கட்டுப்பாட்டை இழந்ததால் விபத்து ஏற்பட்டது. சென்னை மதுரவாயல் அருகே மாநகரப் பேருந்து சர்வீஸ் சாலையில் கவிழ்ந்து விபத்து ஏற்பட்டது. சர்வீஸ் சாலையில் சென்ற ஆட்டோ மீது பேருந்து கவிழ்ந்ததில் ஆட்டோ ஓட்டுநர் தினேஷ் என்பவர் உயிரிழந்தார். இந்த விபத்தில் 10 பேர் காயம் அடைந்தனர்.

சென்னையில் பேருந்து விபத்து
சென்னை மதுரவாயல் அருகே அரசு மாநகர பேருந்து கட்டுப்பாட்டை இழந்து கவிழ்ந்த விபத்தில் ஆட்டோ ஓட்டுநர் பலியான சம்பவம் அதிர்ச்சியை ஏற்படுத்தி உள்ளது. இந்த மாநகர பேருந்து சர்வீஸ் சாலையின் பக்கவாட்டு பகுதியில் விழுந்து விபத்து ஏற்பட்டது. பேருந்து கவிழ்ந்து சர்வீஸ் சாலையில் சென்ற ஆட்டோ மீது விழுந்ததில் ஆட்டோ ஓட்டுநர் ஒருவர் உயிரிழந்தார்.

செங்குன்றத்தில் இருந்து தாம்பரம் சென்று கொண்டிருந்த 104 வழித்தட சென்னை மாநகர பேருந்து மதுரவாயல் அருகே சென்று கொண்டிருந்தது. அப்போது, ஓட்டுநரின் கட்டுப்பாட்டை இழந்த பேருந்து சர்வீஸ் சாலையில் கவிழ்ந்தது.

ஆட்டோ ஓட்டுநர் பலி
அப்போது, சர்வீஸ் சாலையில் ஆட்டோ ஒன்று சென்று கொண்டிருந்த நிலையில், அதன் மீது பேருந்து விழுந்தது. இதில், ஆட்டோ ஓட்டுநர் தினேஷ் என்பவர் சம்பவ இடத்திலேயே உயிரிழந்தார். பேருந்து கவிழ்ந்த விபத்தில் 10க்கும் மேற்பட்டோர் காயம் அடைந்தனர்.